Thursday, January 20, 2011

Jhunellen Macasinag

Pantay na Pagtingin sa Kababaihan at Kalalakihan
Ang ating bansa o buong mundo ay halos puno ng mga problemang pingdadaanan na sumusukat sa tibay ng pagkakaisa ng bawat isa. Ito ay ang Millenium Development Goal (MDG) na kung saan ang problema ay binibigyan ng sapat na solusyon.
Isa sa layunin ng MDG ay bigyang solusyon ang tungkol sa hindi pantay na pagtingin sa mga kababaihan at mga kalalakihan. Halos naisulat na sa libro ang karanasan ng mga kababaihan sa mga nakaraang dekada. Noong panahon na hawak tayo ng mga Hapon, ang mga kababaihan ay nasa loob lamang ng tahanan. Ang kanilang tungkulin ay alagaan ang asawa at anak, maglinis ng tahanan at panatilihin ang kalinisan sa paligid ng tahanan. Nawalan sila ng karapatan na makapag-aral. Ang pananaw noon ay ang mga babae ay sa loob lamang ng tahanan at hindi nangangailangan ng pag-aaral. Hindi sila binigyan ng importansiya.
Sa pag-unlad ng mundo ay hindi pa rin nabago ito. Maraming mga kababaihan pa rin ang biktima ng karahasan at rape. Halimbawa na lang dito ang mga Pilipinang nagtatrabaho sa ibang bansa’t minamaltrato ng kanyang amo, hindi binibigyan ng sahod, sinasaktan, kinukulong at halos pinapatay na sa gutom. Sa mga telebisyon at sa pahayagan ay nakikita’t nababasa natin ang mga pagbababoy sa kababaihan. Maraming mga babae ang nawalan ng pagkakataon na ipagpatuloy ang kanilang pangarap. Nawalan sila ng dangal na halos walang mukhang maihaharap sa tao. Masakit man ngunit ito ang katotohanan.
            Kahit namarami sa kanya ang bumabatikos ay mas binagyan niya ng pansin tayong mga kababaihan. Noong ika- 14 ng Agusto, 2009 ay ipinatupad niya ang “Magna Carta of the Women” sa Manila at ang Republic Act No. 9710, the landmark legislation is significantly linked to the Convention on the Elimination of all forms of Discrimination Against Women(CEDAW) na may suporta sa UNIFEM’s CEDAW. Ito ay nakasentro sa pagtulong na maiwasan ang diskriminasyon sa pagitan ng kababaihan at kalalakihan. Ang Magna Carta ay tumutulong na maiwasan ang pagmamalupit sa kababaihan at pantay na pagtingin sa kababaihan at kalalakihan sa anumang sangay ng lipunan.
Dahil sa pagpapatupad ng batas na ito ay marami din sa mga kababaihan ang nakipagsabayan sa kalalakihan maging ito man ay sa larangan ng pulitika, palakasan, edukasyon at trabaho. Kung mapapansin natin sa ating lipunan, marami ng mga babae ang may puwesto sa pulitika tulad sa senado na sila Pia Cayetano at Miriam Defensor, sa kongreso, at maging sa pagkapangulo ang kababaihan ay nakipagsabayan, si Pangulong Gloria Macapagal Arroyo. Kahit sa mga lungsod ng Pilipinas ay mas pinipili na ng mga tao ang babae dahil sa taglay nitong lakas at determinasyon.
Sa palakasan ay kaya na natin dalhin o mapanalunan ang medalya. Isa na dito si Lydia De Vega na mahusay sa running event. Sa larangan ng boxing ay may Pilipinang babae na lumalaban sa loob at labas ng ating bansa upang bigyan ng karangalan ang ating bansa. Mayroon din tayo sa swimming, athletics, volleyball, baseball at iba pa.
Ang pinakabagong isyu na ipinupukol sa atin ay mas maayos ang babaeng drayber kaysa sa lalaking drayber. Kung ikukumpara natin ang babae sa lalake ay mas masunurin ang mga babae sa “rules and regulation”, mas iniisip nila ang kapakanan ng karamihan kaysa sa sariling kapakanan. Madali itong matututunan sa gabay ng pamahalaan. Wala na sa mundong ito na ang kalalakihan lang ang makakagawa. Walang masama kung isaaad ito dahil kung ano ang kaya ng kalalakihan ay kaya na rin ng kababaihan.
Bibliograpiya:
http://www.unifem.org/gender_issues/millennium_development_goals/

No comments:

Post a Comment